Uhulumende wele South Africa uthi uyakhathazeka ngokuphuza ukupha izizalwane zeZimbabwe ama passport nguhulumende walelo lizwe, ukuze benelise ukubhalisa baphiwe ama permits abavumela ukuhlala lokusebenza okusemthethweni kwele South Africa.
Umphathintambo obona ngobudlelwano beSouth Africa lamanye amazwe womhlaba, uNkosikazi Nkosazana Dlamini-Zuma utshele intathelizindaba kwele South Africa ukuthi usenxuse abaphathintambo bezenzakala phakathi kwelizwe kweleZimbabwe, uMnu. Kembo Mohadi loNkosikazi Theresa Makone emhlanganweni ngoMvulo lapho okuzahlafunwa loludaba okwamalanga amabili.
UChris Gande weStudio 7 uxoxe lesiphathamandla se Stakeholders’ Forum uMnu. Nqabutho Dube, oyisiphathamandla njalo secele leMDC elikhokhelwa nguMnu. Welshman Ncube.