Ikhomisheni ebona ngokuqutshwa kwembiko, iZimbabwe Media Commission ithi amaphephandaba adhindwa kwamanye amazwe ethengiswa eZimbabwe asezakwalelwa ukungena elizweni ngoba abanini bawo bengabhadali imithelo.
Umgcinisihlalo wekhomisheni le, uMnu. Godfrey Majonga utshele intathelizindaba ukuthi bazakwazisa amapholisa lezisebenzi zemngceleni weZimbabwe ngenyathelo leli.
Amaphephandaba akwele South Africa afana le The Sunday Times, iMail and Gurdain lele The Zimbabwean akhangelelwe ukubhekana lodubo nxa lelinyathelo lingathathwa.
Umhleli wephephandaba le The Zimbabwean, uMnu. Wilf Mbanga utshele iStudio 7 ukuthi lelinyathelo likhanya liqondiswe kuphephandaba lakhe ngoba ngomnyaka ka 2008 phambilini kokhetho imota eyayithwele amaphephandaba le The Zimbabwean yabhonjwa yatshiswa.
Lokhu kugcizelelwe ngumgcinisihlalo wenhlanganiso ye MISA- Zimbabwe, uMnu. Nhlanhla Ngwenya kungxoxo ayenze loChris Gande oweStudio 7.