Lanxa uhulumende sewaqalisa ukudhinda amapassport kulandela ukutsha kwehofisi kamsitheli eHarare kumaviki amathathu adluleyo inani lencwadi lezi lokhu liphansi kakhulu. Lokhu kuzaphazamisa kakhulu izizalwane zeZimbabwe ezifuna lezingwalo ukwenelisa ukuthi zithole ama permit awokusebenza lokuhlala okusemthethweni kwele South Africa.
Omunye wabaphathintambo bezenzakala elizweni leZimbabwe, uNkosikazi Theresa Makone utshele iStudio 7 ukuthi mpela uhulumende usenkingeni yokungenelisi ukudinda amapassport eneleyo.
Okhokhela uhlelo lokulotshwa kwama Permit kwele South Africa, uMnu. Jacob Mamabolo utshele intathelizindaba ukuthi uhlelo lwabo luzaphazanyiswa yikuphuza kukahulumende weZimbabwe. UChris Gande weStudio 7 uxoxe lesiphathamandla secele leMDC elikhokhelwa nguMnu. Welshman Ncube kwele South Africa, uMnu. Nqabutho Dube okukhomidi ephathisa izizalwane zeZimbabwe kuhlelo lwama permits, iStakeholders Forum.