Izisebenzi zikahulumende zithi zicunuke kakhulu ngokwehluleka kukahulumende ukukhulumisana lazo njengokuvumelana okukade kwenziwe ngeviki edluleyo.
Umhlangano wangolweSibili bekumele ungenwe yinkokheli yezisebenzi, kanye leziphathamandla zenhlanganiso ezimela izisebenzi zikahulumende, lamalunga edale le Cabinet.
Kodwa amalunga eCabinet abikwa ebhalele i Apex council incwadi ngeviki edluleyo esithi afuna isikhathi sokuthi acubungule udaba lweholo lezisebenzi zikahulumende, athembisa lokuthi umhlangano usuzakuba khona ngeviki ezayo.
UBrenda Moyo weStudio 7 ukhulume lesiphathamandla senhlanganiso emela ababalisi eye Progressive Teachers Union of Zimbabwe, uMnumzana Vusumuzi Mahlangu othi uhulumende ukhanya engazimiselanga ukulungisisa udaba lweholo lezisebenzi zakhe.
