Uhulumende wakwele Australia uthi uzakwesula amagama ezinye iziphathamdla zebandla leZanu PF ezingamatshumi ayithoba minwe mibili, kuluhlu lwabafakelwa izijeziso zenotho.
Lokhu kulandela ukwesulwa kwamagama abantu abangamatshumi amahlanu kuluhlu lwabakuzijeziso zenhlanganiso yomanyano wamazwe awe Europe owe European Union.
Umphathintambo we Australia wezobudlelwano lamanye amazwe womhlaba, uMnu. Craig Emmerson uthi abantu abasuswe kuloluhlu ngasebecatshangelwa ukuthi kabaphatheki kucuku lokwenqabela intuthuko yelizwe leZimbabwe.
Kodwa uEmmerson uthi abangasuswanga kuluhlu lolu bazaqhubeka bekhona kuze kube lombuso okhululekileyo eZimbabwe.
Isiphathamandla seZanu PF, uMnu. Rugare Gumbo utshele uChris Gande weStudio 7 ukuthi izijeziso lezi kumele zisuswe zonke ngoba zingaphathisi muntu.