amalinks wokungena

Breaking News

Uhulumende WeSouth Africa Uhlolisisa Udaba Lwenkethabetshabi


Umphathintambo obona ngezezisebenzi, e South Africa uMnumzana Membathisi Mdladlana ukhokhele iqula eli bhoda-bhode emapulazini alelolizwe kuhlelo lwe Mbizo, lokudingisisa isisusa sodlakela lwe nkethabetshabi oluqhamuke nyakenye e De Doorns kulelolizwe.


Inengi labahlala enkambeni ze De Doorns yizizalwane zeZimbabwe ezisuswe ngodlakela emzini yazo zisetheswa umlandu wokuthathela izizalwane ze South Africa imisebenzi.


UMnumzana Remember Moyo, umgcinisihlalo we Zimbabwe Support Action Group utshele uSithandekile Mhlanga we Studio 7 ukuthi izizalwane zeZimbabwe ziyakwamukela okwenziwa nguhulumende we South Africa .


Kunjalo nje, amakhulu abantu abangamalunga ohlelo lokukhulumisana ebulenjini olwe facebook asebebumbe iqembu lokusekela uBishop Paul Verryn omiswe umsebenzi ebandleni lakhe lenkonzo ye Johannesburg Central Methodist.


Laba bantu bathi ukumiswa kukamfundisi Verryn ngumona, kukanti bona bakhuthaza uzulu wonke ukuthi athakazelele umsebenzi omuhle owenziwe nguBishop Paul Verryn wokunakakela iziphepheli zeZimbabwe labahluphekayo ensontweni ye Methodist.

‚Äč
XS
SM
MD
LG