amalinks wokungena

Breaking News

Uhulumende weSouth Africa Uthi EleZimbabwe Licele Indawo Yokusebenzela Kuphela


Inkulungwane zezizalwane zeZimbabwe bezigcwele emahofisini ogatsha lwendaba zasekhaya kwele South Africa, ngoLweSine, zilwela ukuthi zibhalise ukuthola imvumo yokuhlala elizweni isikhathi somusa singakavalwa ngoLweSihlanu.

Uhulumende we South Africa uthi ukhuthaze uhulumende weZimbabwe ukuthi acele yiloba yini akufunayo okungancedisa ukuthi ingwalo zama passports ezizalwane zeZimbabwe ziphume ngokuphangisa.

Isiphathamandla sogatsha olubona ngokwenzakala elizweni kweleSouth Africa, uMnu. Mkhuseli Apleni, utshele uSithandekile Mhlanga we Studio 7 ukuthi iziphathamandla ze Zimbabwe zacela amahofisi okusebenzisa kuphela.

Uthi ele South Africa lilemtshina enelisa ukudinda amapassports amanengi ngesiqubu esiphezulu ngelanga, njalo liyakwazi ukuthi eleZimbabwe alenelisi ukutholisa abantu amapassport amanengi, ngakho lathi eleZimbabwe likhalaze elikufunayo.

UApleni ugcizelele ukuthi uhulumende wakhe ube lokhu elindele ezinye izikhalazo ezivela kubaphathintambo bogatsha olubona ngokwenzakala elizweni, uMnu. Kembo Mohadi, loNkosikazi Theresa Makoni.

Lokhu kulandela imbiko ethi ababili laba kabemukelanga umtshina wokudinda amapassports ovela kuhulumende we South Africa.

Ukuhlaziya udaba lwamaphepha lolu IStudio 7 ixhume unobhala weMDC ekhokhelwa nguMnu Arthur Mutambara eSouth Africa uMnu Ngqabutho Dube ongomunye wabancedisa izizalwane zeZimbabwe ukuthola ingwalo ezisemthethweni kanye loMnu Nduna Mayezi, ongomunye walabo abakhangelele ukuphiwa amapermit nguhulumende weSouth Africa.

‚Äč
XS
SM
MD
LG