Inengi lezizalwane zeZimbabwe ezidinga amaphepha azivumela ukuthi zihlale, zifunde, njalo zisebenze e South Africa ngokusemthethweni zithi zidaniswa yikuthi uhulumende we South Africa lokhu engakazazisi ngokusemthethweni ukuthi wemukela na incwadi zazo eziding alimvumo.
Uhulumende we South Africa yena ubikwa ethule umbiko othi inengi labadinga amaphepha la aligcwalisanga konke okufunekayo ngakho uzabazisa ngembiko kumakhalekhukhwini ukuthi bezogcwalisa okudingakalayo.
UMnu. Jabulani Mkhwananzi, isiphathamandla senhlanganiso ephatheke kuloluhlelo, eye Stakeholders Forum, njalo eyisiphathamandla secele le MDC elikhokhelwa nguMnu. Welshman Ncube e South Africa, utshele iStudio 7 ukuthi abantu lokhu besiza emahofisini akhe bedinga usizo olutshiyeneyo ngaloluhlelo.