amalinks wokungena

Breaking News

Uhulumende WeZimbabwe Uthi Inkampani YeMbada LeMarange Resources Aseqalisile Ukuthengisa Amadayima Enjiwa EMarange Kungelamigoqo


Kubikwa kungayisiwo wonke amalunga eKimberley Process Certification Scheme avumelane lalesisinqumo ngoba ezinye inhlanganiso ezizimeleyo kanye lamanye amazwe aphetsheya angamalunga alinhlanganiso esithi eleZimbabwe lokhu lingananzi ilungelo loluntu..

Uhulumende we Zimbabwe uthi inkampani yeMarange Resources leye Mbada isilungele ukuthengisa amadayimana enjiwa eMarange kungelamigoqo eyafakwa yinhlanganiso ye Kimberley Certification Scheme kulandela imvumo ethulwe yile inhlanganiso emhlanganweni obuqhutshelwa eKinshasa kwele Democratic Republic of Congo.

Kubikwa kungayisiwo wonke amalunga eKimberley Process Certification Scheme avumelane lalesisinqumo ngoba ezinye inhlanganiso ezizimeleyo kanye lamanye amazwe aphetsheya angamalunga alinhlanganiso esithi eleZimbabwe lokhu lingananzi ilungelo loluntu lapho okwenjiwa khona amadayimana la eMarange, okuyiso isizatho esabangela ukuthi lithengise amadayimana la kulemigoqo.

UMnu. Obert Mpofu, umphathintambo obona ngezemigodi utshele uSithandekile Mhlanga we Studio 7 ukuthi uhulumende usithakazelele lesisinqumo ngoba ukuthengiswa kwamadayimana kungela migoqo kuzaletha inzuzo enengi yokuthuthukisa umnotho welizwe.

XS
SM
MD
LG