amalinks wokungena

Breaking News

Uhulumende Womanyano Wenelise Umnyaka Eqale Ukusebenza


Uhulumende womanyano wenelise umnyaka eqale ukusebenza ngolweSine mhlaka 11 ngoNhlolanja, phansi kwesivumelwano seGlobal Political Agreement.

Inhloko kahulumende uMnumzana Morgan Tsvangirai wagcotshwa esikhundleni mhlaka 11 Nhlolanja ngo 2009. Kwathi mhlaka 13 ngoNhlolanja kwagcotshwa abaphathintambo bamabandla omathathu akusivumelwano lesi athi amacele omabili e MDC leleZANU PF.

Kodwa izizalwane zeZimbabwe ezihlala kweleBotswana zithi zilokudana ngoba kulokhe kulokudonselana kuhulumende womanyano khona kumele kube lengqubela phambili.

Izizalwane zeZimbabwe kwele South Africa zimanyene lenkulungwane zezizalwane zakwele South Africa zithakazelela iminyaka engamatshumi amabili yokukhululwa ejele kukamongameli wakuqala onsundu we South Africa ekhululekileyo, uMnumnzana Nelson Rolihlahla Mandela.

Lobanje usuku olufanayo luphetha umnyaka wakuqala kuqale ukusebenza uhulumende womanyano eZimbabwe, izizalwane zeZimbabwe zithi kayikho into ezingayijabulela njengoba luhulumende ehluleke ukuletha inguquko abebeyilindele.

Kunjalo nje uBrenda Moyo owe Studio 7 uxhume ingcwethi ecubungula ezombusazwe uMnumzana Zenzo Nkomo loMnumzana Paul Themba Nyathi obona ngokuqhutshwa kokhetho kubandla leMDC elikhokhelwa nguMnumzana Arthur Mutambara.

Ababili laba bahlaziya ingqubela phambili kahulumende womanyano,lapho aphumelele khona lalapho ehluleke khona sokwedlule umnyaka eqale ukusebenza.

‚Äč
XS
SM
MD
LG