amalinks wokungena

Breaking News

Intathelizindaba UNqobani Ndlovu Ulokhu Evalelwe Entolongweni


Intathelizindaba ebotshwe ngeviki ephelileyo koBulawayo isolelwa ukuloba udaba olululaza amapholisa uNqobani Ndlovu uzahlala enye iviki entolongweni ngemva kokuba amagqwetha kahulumende eveze ukuthi azaphikisa isinqumo ebesimkhupha entolongweni ngemali yesibambiso i$100 bail ebesenziwe ngumthethwandaba we Tredglod ekungeneni kwakhe ngoMvulo ekuseni.

UMnu. Raphael Khumalo, isiphathamandla se Alpha Media Holdings, eyiyo ethula amaphephandaba e The Standard, Zimbabwe Independent, le Newsday, utshele iStudio 7 ukuthi okwenziwa ngamapholisa yikuhlukuluza intathelizindaba yabo uNqobani, njengalokhu okwenziwa ezinye intathelizindaba zamaphephandaba alinkampani eminyakeni edluleyo.

Lanxa inhlanganiso ezitshiyeneyo elizweni lakwamanye amazwe ezimele amalungelo entathelizindaba sezisole kakhulu ukubotshwa kuka Nqobani, uMnu. Khumalo utshele uSithandekile Mhlanga we Studio 7 ukuthi umangaliswa yikuthula kweziphathamandla zamacele womabili e MDC ezikuhulumende womanyano kanye lezinye inhlanganiso ezithi zilwela amalungelo abantu ngaloludaba.

‚Äč
XS
SM
MD
LG