amalinks wokungena

Breaking News

UMnu Kasukuwere Wethusela Amabhanga


Umphathintambo obona ngokuthuthukiswa kwabensundu kwezenotho wale ukwamukela isilinganiso amabhanga akwamanye amazwe asebenzela eZimbabwe athi azimisele ukusithengisela abensundu phansi komthetho weIndeginization and Economic Empowerment Act.

Umthetho lo uthi amankampani akwamanye amazwe asebenzela eZimbabwe kumele athengisele abensundu bakulelilizwe isilingaliso sokungamatshumi amahlanu lanye ekhulwini, 51 percent.

Kodwa amabhanga afana leBarclays leStandard Chartered wona athi azimisele ukwehlukana lesilinganiso sokulitshumi kuphela, 10 percent, okuyinto uMnu Saviour Kasukuwere athi kayamukeli.

Ngalokho uthi kumele amankampani la elandele umthetho ethengise isilinganiso uhulumende asibekayo ese 51 percent.

IZanu PF iphume lesinqumo emhlanganweni wayo ogqitshwe ngempelaviki koBulawayo sokuthi uhlelo lweIndeginization kumele luqhutshwe ngokuphangisa kuthuthukiswe abensundu kwezenotho.

Umphathintambo obona ngezemali uMnu Tendai Biti uthi okwenziwa nguKasukuwere lebandla lakhe leZanu PF akukho emthethweni ngoba idale leCabinet elibunjwa ngamabandla akuhulumende womanyanoi lingakaluhluzi udaba lwamabhanga lolu.

‚Äč
XS
SM
MD
LG