Ukungezwani kwabakubandla leZanu PF kuphumele egcekeni ngolweSithathu edale lephalamende lapho amanye amalunga ebandla leli ekhalale aphuma engafuni ukuthi kukhulunywe ngemfa kaMnu. Solomon Mujuru owayengumholi webutho leZimbabwe. Loludaba belwethulwe ephalamende ngelinye ilunga leZanu PF, uMnu. Kudakwashe Bhasikiti.
UMujuru ubhubhe ngenyanga edluleyo engozini yomlilo ocatshangelwa ukuthi ungaba walunyathiswa yizitha zikaMujuru.
Omunye obesedale lephalamende kusenzakala nguMnu. Gift Mabhena omela iVictoria Falls ekucele leMDC elikhokhelwa nguMnu. Morgan Tsvangirai, ochasisa akubonileyo.
