Inhlanganiso ephathisa ngokudla, iWorld Food Program ithi ukucubungula ekwenzileyo kuveza sobala ukuthi ukudla okulohlonzi kwenza abalegcikwane leHIV babe lenhlalakahle. Linhlanganiso ithi kuqakathekile ukuthi abathatha amaphilisi alwisa ukumemetheka kwegcikwane leli bathole ukudla okweneleyo njalo okulohlonzi. EZimbabwe inengi liphakathi kodubo olukhulu lokuswela ukudla okwakha umzimba lanxa abanye bayabe sebephila legcikwane leHIV.
UChris Gande weStudio 7 uxoxe loDokotela Joshua Sibanda ukuze sizwe ukuthi inhlolisiso ye WFP le ilesifundo bani kulabo abalegcikwane lengculaza eZimbabwe.
Kwakwelinye icele inhlanganiso ye Southern African Women Institute for Migration Affairs iqoqe umhlangano wabesifazane beZimbabwe eJohannesburg wokufundisana ngengozi yokuthelelana igciwane lengculaza ngasikhathi sinye ele South Africa lithakazelela insuku ezilitshumi lesithupha zokulwisana lokuhlukuluzwa kwabesifazane.
