amalinks wokungena

Breaking News

Ukudonselana KweMDC-T Kufinyelela Idale leGuardian Council


Sekai Holland

Kukhanya kule mbiko ephikisanayo, umgcinisihlalo wedale, uNkosikazi Sekai Holland esephika imbiko ake ayethula esithi wayitsho esesabela impilo yakhe leyamanye amalunga alelidale.

Ukudonselana okusebandleni le MDC-T kukhanya sekufinyelele idale lamakhehla lezalukazi angabacebisi, iGuardian Council elabunjwa ngenjongo yokucebisa lokuba ngumlamlankunzi.

Loku kuxabana kube sobala ngeviki edluleyo lapho lelidale elilamalunga angamatshumi amathathu lihlangene kwathi ngemva komhlangano lo lethula imbiko ecothoza icele elikhokhelwa nguMnu, Tendai Biti. Kodwa ngemva kwembiko le, umgcinisihlalo wedale leli, uNkosikazi Sekai Holland walandula imbiko eyethulwayo esithi wayethula esesabela impila yakhe lamanye amalunga alelidale.

Elinye ilunga ledale leli, uMnu. Jeff Makore utshele iStudio Seven ukuthi kavumelani lembiko ka Holland ngoba ngabe iliqiniso ngabe wahle wayiphika khonapha.

Kodwa elinye njalo ilunga le Gurdian Council, uMnu. Cornelius Mubaiwa utshele iStudio Seven ukuba mpela imbiko yabo kayethulwanga ngokuqotho.
please wait

No media source currently available

0:00 0:02:14 0:00
Lapho esitholakala khona

Kusenjalo, icele leMDC-T elizibiza ngokuthi yiRenewal Team lithi liqhubekela phambili ngohlelo lokubumba amakhomithi alo amatsha ezigabeni ezitshiyeneyo zelizwe, ikakhulu lapho okulabasekeli abanengi be MDC-T.

IRenewal Team isibumbe amakhomithi la ezigabeni ezigoqela iMatabeleland North njalo ngempelaviki iqhube uhlelo olufanayo koBulawayo lapho umNU. Bekithemba Nyathi, omela iPhelandaba-Mpophoma edale lephalamende osekhokhela abatsha kulelibandla.

UNyathi utshele uSithandekile Mhlanga weStudio 7 ukuthi kwezinye izigaba zelizwe ibandla lakhe lifika likhethe ozathatha isikhundla esiyabe siphethwe ngosekela umkhokheli weMDC-T uMnu. Morgan Tsvangirai kuphela, ngoba kungadingeki ukuthi liguqule lezo eziyabe ziphethwe ngabasekeli bebandla lakhe abakhethwa emhlanganweni odluleyo owe congress yeMDC-T.
please wait

No media source currently available

0:00 0:02:34 0:00
Lapho esitholakala khona
XS
SM
MD
LG