amalinks wokungena

Breaking News

Ukufuthelana Phakathi KweZanu PF LeMDC Lokhe Kuqhela


Ukufuthelana phakathi kweZanu PF leMDC kubikwa sokusabalele endaweni ezinengi zelizwe njalo ngempelaviki edluleyo abasekeli bamabandla womabili balwisane kakubi emzini weEpworth, eHarare.

Inhlanganiso ekhankasela ukulondolozwa kwamalungelo oluntu, iZimrights ithi kwezinye izigaba, ezigoqela iMashonaland West, iMidlands, kanye leManicaland abasekeli beZanu PF sebeqalisile ukuhamba besethusela uzulu besithi kumele asekele ukusetshenziswa kogwalo lwesisekelo sombuso olweKariba Draft ekulotshweni kwesisekelo esitsha.

NgoLwesithathu khona abasakhulayo bebandla leli batshengisele ezitaladeni zeHarare besola izijeziso njalo banikeza inhloko kahulumende uMnu Morgan Tsvangirai inyanga ukuthi abe sekhulume lamazwe angentshonalanga ukuthi esule izijeziso lezi.

Bathe nxa engakwenzanga lokhu uzakubona okwabonwa yingidi. Ukuhlaziya ukufuthelana okukhanya kuqhela phakathi kweZanu PF leMDC uNtungamili Nkomo weStudio 7 uxhume ingcwethi ezicungula ezombusazwe, uMnu Qhubani Moyo loMnu Rejoyce Ngwenya abathi ngempela ukufuthelana kuyanda elizweni.

‚Äč
XS
SM
MD
LG