Inhlanganiso ekhankasela ukuqedwa kokungethembeki, iTransparency International-Zimbabwe ithi ukungethembeki kuyaqhela elizweni njalo amapholisa eyiwo alobumenemene obukhulu.
Kugwalo elwethule ngoLwesine inhlanganiso le ithe iziphathamandla zikahulumende lezisebenzi zemithethwandaba lazo azethembekanga njengamapholisa njalo esikhathini esinengi zitholakala zidinga ukufunjathiswa nguzulu.
Iveze ukuthi abantu abanengi ekhulume labo baveze ukudana okukhulu ngodaba lweCorruption njalo bafuna uhulumende ethathe amanyathelo abanzi luqedwe loludubo.
Ukufumbathisana yinto esigxile impande zandlondlobala eZimbabwe njalo kutholakala kuzozonke inxa zempilo loba nje kulekomishini ekhangelane lokulwisana lemisebenzi yokungethembeki.
Ukuhlaziya loludaba sixhume isiphathamandla seMDC ekhokhelwa nguMnu Morgan Tsvangirai uMnu Abednico Bhebhe lomqondisi weChristian Alliance uMnu Useni Sibanda.
Ababili laba bavumelene ukuba uhulumende kumele athathe amanyathelo ngoba imisebenzi yokungethembeki ibulala ilizwe.
