Ilunga ledale lePolitburo leZanu PF uMnu. Ephraim Masawi obhubhe ngempelasonto, uphiwe inhlonipho yeqhawe lesizwe. Lokhu kwaziswe ngemva komhlangano weZanu PF Politburo owenziwe lamhlanje. UMasawi uzabekwa emathuneni amaqhawe, awe National Heroes’ Acre ngoLwesine. Isikhulumeli seZanu PF uMnu. Rugare Gumbo utshele intathelizindaba eHarare ukuthi ibandla lakhe kalisoze laxoxisana lamanye amabandla akuhulumende womanyano ngodaba lokupha inhlonipho yamaqhawe ngoba amalunga amabandla la ayesesikolo amalunga eZanu PF wona esempini yenkululeko.
Umsekeli wesikhulumeli secele leMDC elikhokhelwa nguMnu. Morgan Tsvangirai, uNkosazana Thabitha Khumalo uthi uzulu akusamelanga azikhathaze ngodaba lwamaqhawe esizwe ngoba iZanu PF iqinisa ikhanda ngaloludaba.