amalinks wokungena

Breaking News

Ukuqatshwa Kwabehluli Kucunula Ibandla leMDC


Icele leMDC elikhokhelwa yinhloko kahulumende, uMnu. Morgan Tsvangirai lithi lizakhweza emthethwandaba udaba lokukhethwa kwabahluli okwenziwe nguMongameli Mugabe ngeviki edluleyo.

Lokhu akusiko kwakuqala ukuthi lelibandla litshengise ukudana phezu kodaba lokuphiwa izikhundla zaphezulu kuhulumende nguMongameli Mugabe engakhulumisananga labanye bakhe abakuhulumende womanyano.

Kodwa sonke isikhathi ibandla leMDC liyakhonona kuphelele khonapho. Okunye okucunule kakhulu iMDC yikuthi ayinxuswanga ekugcotshweni kwabathathu laba, uJustice Anne-Mary Gorowa, lo Justice Yunus Ormejee kudale leSupreme Court lo Advocate Happius Zhou osekudale leHigh Court.

Umsekeli womphathintambo wogatsha lwezemithetho, uMnu. Obert Gutu, utshele iStudio 7 ukuthi bazakhweza loludaba emihlanganweni loMongameli Mugabe.

Sixoxe lengcwethi kwezemithetho, uMnu. Matshobane Ncube ukuze sizwe imbono yakhe ngaloludaba.

XS
SM
MD
LG