amalinks wokungena

Breaking News

Ukusilela Kwemali Kubuyisela Muva Ukulotshwa Kwesisekelo Sombuso Esitsha


Ukusilela kwemali kukhanya kuyikho okulokhe kubuyisela muva uhlelo lokulotshwa kutsha kwesisekelo sombuso.

Inhlanganiso ye United Nations Development Programme- UNDP ithembise ukuphathisa loluhlelo ngeyinye imali isithi eyinye kumele ivele kuhulumende.

Uhulumende ukhangelelwe ukuphathisa loluhlelo ngezigidi ezedlula ezimbili zamadollar eMelika-US$2,3 million, kodwa okwakhathesi uthi kalayo.

UBrenda Moyo weStudio 7 ukhulume lomunye wabagcinisihlalo bekhomidi yephalamende ebona ngokulotshwa kwesisekelo sombuso uMnumzana Edward Mkhosi. UMkhosi uthi laloba uhlelo lokulotshwa kutsha kwesisekelo sombuso solukhanya soluphuzile bakhangelele ukuluphutshisa.

Kunjalo nje uBrenda Moyo uphinde wakhuluma lomunye ozaqoqa lokuloba imibono kazulu, uMnumzana Effie Dlela Ncube umqondisi wenhlanganiso yeMatebeleland Constitutional Reform Agenda-MACRA. UNcube ukhuthaza izizalwane zeZimbabwe ukupha imibono yazo ekulotshweni kwalesisisekelo sombuso.

‚Äč
XS
SM
MD
LG