amalinks wokungena

Amagqwetha Amela IMthwakazi Liberation Front Asola Isinqumo Somthethwandaba Phezu Komfakazi Abangamfuniyo

  • Sithandekile Mhlanga

Ukuthethwa kwecala lokuzama ukugenqula uhulumende eletheswa iziphathamandla zenhlanganiso yeMthwakazi Liberation Front kuqhubekele phambili lamuhla emthethwandaba kamantshi koBulawayo.

Amagqwetha amela iziphathamandla zecele le MDC elikhokhelwa nguMnu. Morgan Tsvangirai ezetheswa icala lokubulala uMnu. Petros Mutedza ngomnyaka odluleyo athi azacela imvumo kumthethwandaba ophezulu eyokuthi akhalaze ku Supreme Court ukukhululwa kwezibotshwa lezi ngesibambiso se bail.

Kunjalo-nje ukuthethwa kwecala lokuzama ukugenqula uhulumende eletheswa iziphathamandla zenhlanganiso yeMthwakazi Liberation Front kuqhubekele phambili ngolweSithathu emthethwandaba kamantshi koBulawayo. Amagwetha amela laba athi azahlolisisa ubufakazi obuphumileyo andubana athathe inyathelo kuloludaba

Ngakwelinye icele, uMnu. Lizwe Jamela, igqwetha, utshele uSithandekile Mhlanga we Studio 7 ukuthi umthethwandaba kamantshi koBulawayo unqume ukuthi amalunga enhlanganiso ye Women of Zimbabwe Arise alitshumi, abotshwe ekuqaleni kwawonalo engabi esamiswa phambi komthethwandaba kamantshi nge-remand okungapheliyo.

XS
SM
MD
LG