Ukuthoniswa kwecala eletheswa uMnumzana Roy Bennett kuzaqala njalo emthethewandaba weHigh Court eHarare ngoLwesibili.
UMnu Bennett, olilunga leMDC ekhokhelwa nguMnu Morgan Tsvangirai wetheswa umlandu wokutholakala elezikhali ayejonge ukuzisebenzisa ukugenqula uhulumende kaMongameli Robert Mugabe.
Ukuthonisiswa kwakhe kumiswe kumaviki amabili edluleyo ngemva kokuba izisebenzi zomthethwandaba zibambane lezinye izisebenzi zikahulumende ekukhalaleni umsebenzi zikhala ngeholo eliphansi.
Igqwetha likaBennett, uNkosikazi Beatrice Mthethwa utshele uNtungamili Nkomo weStudio 7 ukuthi ukuthonisiswa kukaBennett kuzaqala njalo ngoba inengi lezisebenzi zomthethwandaba selibuyelile emsebenzini.