Inhlanganiso emela abalimi abamhlophe, i Commercial Farmers Union ithi ukuthunjwa kwamapulazi abalimi abamhlophe lokusilela kwezulu kuzabangela ukuthi ukudla kuqhubeke kusilela lonyaka.
I CFU ithi abasekeli beZanu PF lokhu beqhubeka bethumba amapulazi endaweni ezitshiyeneyo zelizwe ezigoqela isabelo seMatabeleland. Inhlanganiso le ithi uMnumzana Didymus Mutasa, ongumphathintabo obona ngokwenzakala ewofisini kaMongameli Robert Mugabe ngomuye weziphathamandla ezikhokhela lolu hlelo.
Ingcwethi ecubungula ezombusazwe uMnu Qhubani Moyo utshele uNtungamili Nkomo weStudio 7 ukuthi uhulumende kumele amise uhlelo lokuthunjwa kwamapulazi lolu.
