Isiphathamandla sogatsha lukahulumende olubona ngezomumo womkhathi, olwe meteorological services, uMnu. Jonathan Chifuna ukuthi ukutshisa kwelanga okumangalisayo okuselizweni kuzaqhubekela phambili lanxa kungasoze kuphazamise ukuna kwezulu.
UMnu. Chifuna uthi isilinganiso somumo womkhathi esama temperatures sikhwele kakhulu okungakaze kubonakale okweminyaka eminengi edluleyo elizweni ngoba indawo ezigoqela i Kariba, Binga, le Victoria Falls zifike ku 44, 43, le 40 degrees celsious ngokulandelana kwazo kunsukwana ezedluleyo.
Uhulumende usekhuthaze abantu ukuthi benathe amanzi eneleyo ngesikhathi abantu abanengi eHarare lakwezinye indawo elizweni ziswela amanzi.
UMnu.Dzikai Kamhamba, isakhamuzi sako Bulawayo njalo engumlaleli we Studio 7 utshele uSithandekile Mhlanga ukuthi lanxa izulu like lafefeza kulelidolobho, ukutshisa lokhu kubaqeda amandla.