amalinks wokungena

Breaking News

Ukuwa Kwamandla eRand Kudala Udubo


I-Rand lakwele South Africa

Ukuswela amandla kwe Rand lakwele South Africa kuqhubeka kuletha udubo eZimbabwe, elizweni elisebenzisa imali zakwamanye amazwe angomakhelwane kanye ledollar leMelika, abanye osomabhizimusi amancane sebesala ukulamukela.

Idola elilodwa leMelika selithenga amaRand alitshumi lane-R14, okuyisilinganiso esingakaze sifikwe yimali le lokhu lathola uzibuse ilizwe le South Africa.

I-Rand lakwele South Africa
I-Rand lakwele South Africa

IRand ngenye yemali yakwamanye amazwe eyemukelwa nguhulumende ukuthi isetshenziswe eZimbabwe kunye lenye efana ledola leMelika, iPula lakwele Botswana lempondo yakweleBhilithani.

Usibalukhulu webhanga lesizwe, uMnu. John Mangudya ngempelasonto edluleyo uthe okwenzakalayo manje wavela wakutsho ngomnyaka ophelileyo esethula imali yohlobo lwama bond coins.

"Ngavele ngatsho mina ukuthi sebenzisani ama bond coins ngoba iRand lizadala inhlupho ngesikhathi esilandelayo," kutsho uMangudya, ngempelasonto.

Usibalukhulu weRBZ, uDr John Mangudya
Usibalukhulu weRBZ, uDr John Mangudya

Imali yamatshe yama bond coins ithe isethulwa nyakenye ibengemukelwa nguzulu eyenyanya njalo ekhanya engayethembi, kodwa kathesi yiyo esisetshenziswa.

Ingcwethi ecubungula ezomnotho welizwe, uMnu. Rejoice Ngwenya yena uthi abaninibhizimusi abala ukwamukela amaRand bayephula umthetho ngoba abamele bakwenze yikwehlisa isisindo salo kuphela.

"Bayabe bephambanisa kakhulu abangemukeli iRand ngoba njengelizwe savele savuma ukuthi lisitshenziswe," kutsho uNgwenya.

please wait

No media source currently available

0:00 0:03:38 0:00
Lapho esitholakala khona

XS
SM
MD
LG