amalinks wokungena

Breaking News

Ukwala KukaMnu. Morgan Tsvangirai Ukuthi Selobole Kudala Inkulumo


OLYMPUS DIGITAL CAMERA

Lokhu kwenzakala ngemva kwemibiko ephume kumaphephandaba isithi akusiqiniso ukuthi walobola uNkosikazi Locardia Tembo

Uzulu wakoBulawayo uthi sekuyisikhathi sokuthi umkhokheli we MDC uMnumzana Morgan Tsvangirai aphumele egcekeni achasise okuyikho mayelana lokuthi usethethe loba hatshi kanye lokuthi uthini ngabesifazana abanengi asebeqanjwe kuthiwa zintombi zakhe eminyakeni emithathu edluleyo.

Lokhu kwenzakala ngemva kwemibiko ephume kumaphephandaba isithi akusiqiniso ukuthi walobola uNkosikazi Locardia Tembo kukanti izikhulumi zakhe zithi akathathanga kodwa wayahlawula imali yokona nje kuphela njengoba leyonkosikazi isizithwele. Lokhu kuphikisana labanye bebandla lakhe labemuli yako Tembo bona abathi uTsvangirai walobola iNkosikazi le ngenkulungwane ezingamatshumi amathathu lasithupha zamadola eMelika -$36 000, lenkomo ezilitshumi njalo umtshado uyeza maduze nje.

Ukuphikisana lokhu sekutshiye abantu bengasazi ukuthi iqiniso yiliphi ngendoda elwela ukuba ngumongameli wabo. Ukuhlaziya loludaba sixoxe lengcwethi ecubungula ezombusazwe, uMnu. Brilliant Mhlanga othi uMnu. Tsvangirai kumele asolwe ngezenzo zakhe.

XS
SM
MD
LG