Izisebenzi zikahulumende ziyakhonona kakubi ngokuphuma kwembiko ethi abaphathintambo bakahulumende bengezelelwe iholo kodwa ezinye izisebenzi zona zilokhu zithola ingcosana.
Imbiko ephume emaphephandabeni iveze ukuba abaphathintambo bengezelelwe iholo ngoZibandlela kodwa lokhu bekungaziswanga ezinye izisebenzi lozulu mathupha.
Abaphathintambo babikwa sebehola amadola angaba yinkulungwane lenxeye-US$1,500 ngenyanga, isuka kumakhulu ayisikhombisa amadollar.
Unobhala jikelele wenhlanganiso yamatitshala, iZIMTA, uMnu. Richard Gundane utshele uChris Gande weStudio 7 ukuthi njengoba abaphathintambo bengezelelwe iholo sekuzaba lula ukuthi babambe uhulumende ngamandla ukuthi abengezelele elabo iholo.