amalinks wokungena

Breaking News

Umabhalani Omkhulu Wephalamende Udlulisela Phambili Ilanga Lokhetho Lomlawuli Walelidale


Okulinyathelo elingaphathanga kuhle amalunga ephalamende awe MDC ekhokhelwa nguTsvangirai abuye edale elungele ukuvotha

Umabhalani wedale le phalamende u Mnu. Austin Zvoma udlulisele phambili usuku lokukhetha usomlomo wedale le phalamende esithi ukhetho lolu luzaqhutshwa kulanga elizakwaziswa esikhathini esilandelayo.

Lokhu kubikwa kungaphathanga kahle amalunga edale lephalamende awebandla leMDC elikhokhelwa nguMnumzana Morgan Tsvangirai ababikwa bahle baqalisa ukuhlabela lokubanga umsindo kwaba lokuxokozela etshengisa ukungakhwabithi leli nyathelo. Kubika intathelizindaba yethu u Mark Peter Nthambe obesedale lephalamende.

Kusenjalo, icele le MDC elikhokhelwa nguMnu. Welshman Ncube, lona elinqume ukuthi alisoze livote ephalamende lithi ukudluliselwa phambili kwelanga lokuvota lithuba elihle ngoba lilakho ukuguqula kumbe ukugcizelela isinqumo salo.

UMnu. Edward Mkhosi, okhokhela amalunga alelibandla edale lephalamende uthi katholanga isikhathi eseneleyo sokwazisa abanye bakhe ngesinqumo esithethwe yinkokheli yebandla lakhe esokuthi bengavoti ngoba iphalamende ibazise kuthange ukuthi sokumele kuvotwe.

UMkhosi utshele uSithandekile Mhlanga weStudio 7 ukuthi ibandla lakhe lizaqhuba umhlangano njalo nxa abanye befuna ukuthi ilunga labo lincintise bazakwenzenjalo.

Okuhambelana lalokhu

XS
SM
MD
LG