amalinks wokungena

Breaking News

UMaguwu Umiswa Phambi Komthethwandaba


UChikane uthi usezaqalisa ukuhlolisisa indlela amadayimana la azathengiswa ngayo, wengezelela ngokuthi akufanelanga amasotsha akhutshwe emigodini yeMarange ngoba abemba ngokungekho emthethweni bengaphenduka bezobangela ukuxokoxela kulindawo.

Isithunywa se Kimberly Process, uMnu. Abbey Chikane, sethule umbiko othi amadayimana eZimbabwe aselungele ukuthengiswa ngoba uhlelo lokwenjiwa kwawo lusuthisa okudingwa yinhlanganiso yakhe.

UChikane uthi usezaqalisa ukuhlolisisa indlela amadayimana la azathengiswa ngayo, wengezelela ngokuthi akufanelanga amasotsha akhutshwe emigodini yeMarange ngoba abemba ngokungekho emthethweni bengaphenduka bezobangela ukuxokozela kulindawo.

Kusenjalo, umqondisi we Center for Research and Development, UMnu. Farai Maguwu, umiswe phambi komthethwandaba okwakuqala lamuhla eHarare, lokhu ebotshiweyo ngeviki edluleyo esetheswa icala lokukhipha umbiko othi ilungelo loluntu liyephulwa nguhulumende emigodini yeMarange eMutare. UMaguwu uzamiswa njalo phambi komthethwandaba kusasa, lapho azakuzwa khona kumbe engaphiwa ithuba lokuhlawula imali yesibambiso eye bail kumbe hatshi.

Ukuhlaziya ingxabangxoza eyenzakala eMarange emigodini yakoChiadzwa, uSithandekile Mhlanga we Studio 7 uxoxe lengcwethi ecubungula ezombusazwe, uMnu. Walter Nsununguli Mbongolwane.

Kudaba olufanayo, inhlanganiso ezizimeleyo zikhuthaza inhlanganisweni ye Kimberly Process ukuba icubungule ngokubotshwa okwenziwe umqondisi wenhlanganiso yase Mutare eye Centre for research and development uMmnu. Farai Maguwu kulandela umhlangano awenzayo loMnu. Chikane mhla ka 25 ngoMabasa lonyaka.

XS
SM
MD
LG