amalinks wokungena

Breaking News

UMahluli Bhunu Udinga Ukuhlawulwa nguBennet


Umahluli womthethwandaba waphezulu oweHigh Court eHarare uJustice Chinembiri Bhunu uthi ufuna ukuhlawulwa imali engange sigidi esisodwa samadollar eMelika yisiphathamandla seMDC uMnu Roy Bennet. UBhunu uthi uBennet wethula amazwi ahlambaza ibizo lakhe lesimo sakhe emphakathini.

UBhunu nguye obesahlulela kucala ebelisetheswa uBennet lokuthi watholakala elezikhali zempi ngenjongo yokugenqula uhulumende kaMongameli Robert Mugabe.

UBennet utholakale emsulwa kulelicala nguBhunu ngoNkwenkwezi lanxa nje abatshutshisi bephange baphikisa isinqumo sakhe.

Emaphepheni awakhweze edale leHigh Court ngoLwesihlanu, uBhunu uthe engakethuli isinqumo sakhe ngoNkwenkwezi, uBennet utshele iphephandaba lase Ngilandi ele Guardian ukuthi uBhunu ngumahluli ongathembekanga, obe lakho ukumthola elecala ngoba efuna ukuthabisa umqhatshi wakhe, uMugabe.

UBhunu uthi amazwi la angcolise igama lakhe. Ngalokhu uthi ufuna uBennet amhlawule. Ukuhlaziya loludaba uNtungamili Nkomo weStudio 7 uxhume igqwetha uMnu Matshobana Ncube yena othi kulilungelo lakhe uBhunu ukudinga inhlawulo.

‚Äč
XS
SM
MD
LG