amalinks wokungena

Breaking News

UMahluli Ulahla Udaba Lokuthathelwa Impahla Kwenhloko Kahulumende


Umahluli womthethwandaba waphezulu owe High Court eHarare unqume ukubana induna uNegomo, uMnu. Luscious Chitsinde, angathatheli impahla inhloko kahulumende, uMnu. Morgan Tsvangirai ngoba ephule isiko labantu besiShona.

UTsvangirai ugwetshwe ngu Negomo ukuhlawula inkomo eyodwa, imbuzi, lemvu ngoba evele kibo kaNkosazana Locadia Karimatsenga Thembo ngenyanga ezilayo esikweni labantu besiShona ekaLwezi. UTsvangirai wala ukuhlawula, walusa loludaba emthethwandaba.

Kusinqumo sakhe umahluli Barrat Patel uthe uNegomo ulakho ukulukhweza emthethwandaba waphezulu loludaba nxa efuna. Imizamo yokukhuluma loNegomo yehlule.

Kodwa ingcwethi ecubungula ezombusazwe, uMnu. Kucaca Phulu utshele uChris Gande weStudio 7 ukuthi isinqumo lesi sitshengisa ukuthi umthetho ulokhu usalandelwa kweleZimbabwe.

XS
SM
MD
LG