amalinks wokungena

Breaking News

Umantshi Uthi uGeneral Solomon Mujuru Wabulawa Yintuthu Eyamhitshayo


Umantshi ocubungule imbangela yemfa kaGeneral Solomon Mjuru, uMnu. Walter Chikwanha useze wethula isinqumo sakhe. UChikwanha uthi umuyi wabulawa yikuhitshwa yintuthu. Igqwetha lemuli yako Mujuru, uMnu. Thakor Kewada, uthi isinqumo sikamantshi asikaziswa uzulu. Umfelokazi kamuyi, uNkosikazi Joyce Mujuru, ongumsekeli kaMongameli welizwe, uphiwe limpumela ngolweSine. UKewada uthe imuli yako Mujuru kayisuthiseki ngesinqumo lesi ngakoke izathatha amanyathelo wokubona ukuthi isidhumu sikamuyi siyagejwa kucutshungulwe njalo ukuthi kanti kuyini okwambulalayo epulazini lakhe eBeatrice.

Ingcwethi ecubungula ezomthetho, uMnu. Job Sibanda utshele iStudio 7 ukuthi lanxa kuzabanzima ukuthi imuli yakoMujuru yenelise ukuthi isidumbu sikamuyi sigejwe lokhu kuyenzakala ekusemthethweni.


Kunjalo nje, ingcwethi ecubungula ezombusazwe, uMnu. Effie Dlela Ncube utshele iStudio 7 ukuthi impumela yomthethwandaba izadabula ibandla leZanu PF phakathi.

Okuhambelana lalokhu

XS
SM
MD
LG