amalinks wokungena

UManyano weEU Unquma Ukwesula Izijeziso Zenotho Nxa Kungenziwa iReferenduma Ekhululekileyo

  • Chris Gande

Umanyano wamazwe aweEurope oweEuropean Union uvumelene ukuthi izijeziso zenotho ezetheswa eleZimbabwe zesulwe nxa kungaqutshwa ukhetho lweReferendum olukhululekileyo. Iziphathamandla zalumanyano zithi uncedo lokuphathisa ilizwe olwamiswa eminyakeni elitshumi edluleyo luqale njalo.

Kodwa izijeziso ezafakelwa uMongameli Mugabe labanye bakhe abaku Zanu PFzizasala zikhona. Ezinye ezizasala zikhona ngezokuthenga izikhali zempi.

Omela i EU kweleZimbabwe, uMnu. Aldo Dell’arriccia utshele umhlanganano lentathelizindaba ngoMvulo eHarare kulandela umhlangano we EU eBrussels ukuthi uMongameli Mugabe labanye bakhe abasoze benelise ukuvakatshela amazwe eEurope ngaphandle kokuba besiyakwenza umsebenzi wamazwe womhlaba owe United Nations.

Ingcwethi ecubungula ezenotho, uMnu. Rejoice Ngwenya utshele uChris Gande weStudio 7 ukuthi iEU ilakho ukungasusi lezi zijeziso nxa uzulu engavotela ukuthi kungemukelwa isisekelo sombuso esitsha.

XS
SM
MD
LG