Amakhomithi ezigaba akumanyano weJoint Monitoring and Implementation Committee -JOMIC ahlangene ngolweSine koBulawayo leMashonaland West ecubungula udaba lodlakela kulezizigaba.
Umgcinisihlalo wekomithi yeMashonaland West uMnu. John Mafa, owebandla le ZANU PF, utshele iStudio 7 ukuthi isigaba sakhe sidingisisa ngodlakela olugoqela ababalisi kulesisigaba njalo ukhuthaze abahlukuluzwayo ukuthi bayebika emapholiseni.
UMnu. Qhubani Moyo, omela icele le MDC elikhokhelwa nguMnu. Welshman Ncube kuJOMIC utshele uSithandekile Mhlanga weStudio 7 ukuthi imbiko eyethulwa ngamakhomithi ezigabeni zonke zelizwe iveza ukuthi udlakela soludeda elizweni.