Umanyano wenhlanganiso ezizimeleyo owe Matabeleland Civil Society Organisations Forum uthi uzaqhuba umhlangano omkhulu ngoMgqibelo, ngendlela yokuphuma lesinqumo sokuthi yamukele isisekelo sombuso esitsha kumbe hayi njengoba udaba lokwabelwa kwezabelo amandla olweDevolution lungasaphumanga njengalokhu obekukhangelelwe kulolugwalo.
Umanyano lo ubunjwe ekuqaliseni kwayonale inyanga njalo ulamalunga enhlanganiso ezizimeleyo ezigxile eMatabeleland ezingamatshumi amane.
UMnu. Dumisani Nkomo, isikhulumi salinhlanganiso utshele uSithandekile Mhlanga weStudio 7 ukuthi okuzaphuma emihlanganweni le yikho okuzabaqondisa ukuthi bathathe nyathelo bani ngaloludaba.
