Umphathintambo wogatsha olubona ngobudlelwano lamanye amazwe uMnu. Joey Bimha ubikwa esithi umhlangano wabakhokheli bamazwe eSADC ozaqhutshwa eAngola awusoze uphathe udaba lweZimbabwe njengalokhu okuphuma kumaphephandaba.
Lokhu kwenzakala umongameli Jacob Zuma wele South Africa esethumele iqula lakhe elizweni ukuqhubeka ngenkulumo zokuxazulula ingxabangxoza eselizweni.
Udaba olusegudwini yikuthi amacele womabili eMDC awavumelani lomongameli Robert Mugabe ukuthi kuqhutshwe ukhetho lonyaka, lokunye okunengi-nengi.
Ukuze sihlaziye loludaba, uSithandekile Mhlanga weStudio 7 uxoxe loMnu. Dumisani Nkomo ingcwethi ecubungula ezombusazwe yena ogcizelela ukuthi kufanele i-SADC icubungula udaba lweZimbabwe ukuze kube lokuhlliseka kuzwekazi le Africa.