Ukulwisana kwamalunga ecele le MDC elikhokhelwa nguMnu. Morgan Tsvangirai e Victoria Falls kubikwa kuqhubekela phambili, njalo amakhansila alelidolobho abikwa esole uMayor uMnu. Nkosilathi Jiyane, otshiye lelibandla ngenyanga edluleyo. Amakhansila la athi uMnu. Jiyane kasebenzi kuhle labantu.
UJiyane uthi amakhansila labatsha balelibandla baphazimise umhlangano wakhe lezakhamizi, befuna ukumtshaya ngenduku, okubangelwe ukuthi babotshwe ngamapholisa.
UJiyane utshele uSithandekile Mhlanga we Studio 7 ukuthi lokhu watshiyana lebandla elikhokhelwa nguMnu. Tsvangirai, kaqhubi kuhle umsebenzi wakhe njengo mayor walelidolobho ngoba abalokhu bengamalunga alelibandla bemhlukuluza.