WASHINGTON DC —
Ingcwethi kwezomnotho zithi umbukiso walonyaka owe Zimbabwe International Trade Fair uzancipha kakhulu kulandela ukonakala komnotho.
Kodwa iziphathamandla zalumbukiso zona zithi zilethemba lokuthi uzaba mkhulu kulowanyakenye lanxa amafekitali eqhubeka evalwa lamazwe angentshonalanga engafuni ukuvuselela ubudlelwano lelizwe le Zimbabwe.
Umbukiso lo ozavulwa okusemthethweni ngumongameli wakwele Zambia, uMnu. Edgar Lungu. Uzakwenziwa kusukela mhlaka 28 ngenyanga ezayo usiyafika kumhlaka 3 Nkwenkwezi.
Kodwa ubukhangelelwe ukuqala mhlaka 21kusiya ku 25 ngenyanga ezayo.
Ingcwethi kwezomnotho welizwe, uMnu. Masimba Kuchera utshele iStudio Seven ukuthi kaboni umbukiso walonyaka usibamkhulu kulowanyakenye.