Umculi womdumo wokholo odabuka eZimbabwe uJoel Maphosa, osehlala kwele South Africa, odume ngelithi ‘Mfundisi Maphosa’ leqembu lakhe elibizwa ngokuthi “Abantwana Bensindiso” sebehwatshe idlalade elitshatsha elithi ‘Sisezweni Lokufa’ kukanti yena uthi ukuzwa yikuncitshwa kulabo abangasoke balithole.
Umfundisi Maphosa usezitholele udumo olukhulu eGoli ngokuhwatsha indlikizane zamadlalade okholo. Lelike lidlalade lakhe lesithupha alithe igama elithi ‘Sisezweni lokufa’. Kuleli dlalade elilengoma ezilitshumi lambili uMfundisi uthi lelo talenta oliphiwe ngumvelingqangi libesenzise ngoba kasikho isikhathi ngale kwethuna.