Umphathintambo wezamafekithali uMnu. Welshman Ncube uvule ngokusemthethweni ngolweSithathu umhlangano oqoqwe yinhlanganiso ye Confederation of Zimbabwe Industries, i CZI, ozama ukudingisisa indlela zokulungisa okuhluphayo emafekithali eZimbabwe.
Osomabhizimusi kanye leziphathamandla zikahulumende bakhangelelwe ukuhlafuna okuhlupha amafekithali okugoqela ukucitshwa kukagetsi mahlayana kanye lokuswelakala kwemali yokuvuselela amafekithali la.
UMnu. Effie Dlela-Ncube, ingcwethi ecubungula ezombusazwe utshele uSithandekile Mhlanga we Studio 7 ukuthi kufanele udaba lokuvalwa kwamafekithali akoBulawayo luhlafunwe ukwenzela ukuthi lulungiswe.