amalinks wokungena

Breaking News

Umhlangano WeKimberly Process EIsrael Uhlafuna Udaba LweZimbabwe


Umhlangano wenhlanganiso ebona ngendaba zama dayimana emhlabeni jikelele, eye Kimberly Process, owenzelwa eTel Aviv kwele Israel ungene esukwini lwesibili ngolweSibili.

Umhlangano wangolweSibili uphathe njalo udaba lweZimbabwe lapho okube lempikisano ekuthini iZimbabwe iphiwe imvumo yokuthengisa amadayimani akoChiadzwa kumbe hatshi, njengokutsho kwesinye isiphathamndla emhlanganweni lo.

Umhlangano ubikwa uphathe njalo ezinye indaba ezimayelana lendlela iKimberly Process eqhuba ngayo umsebenzi.

Abenhlanganiso ezilwela ilungelo loluntu ezigoqela i Human Rights Watch, Partnership Africa Canada, Global Witness lezinye ziqhubeka ziphikisa udaba lokuthi eleZimbabwe livunyelwe ukuthengisa amadayimani alo, zisithi emigodini ye Chiadzwa kulokwephulwa kwelungelo loluntu okuqhubekayo.

Kodwa abanye basekela umbono wokuthi iKimberly Process iphe eleZimbabwe imvumo yokuthengisa amadiamonds alo. Kuhlelo Studio 7 Livetalk ngoMvulo umlaleli wethu uMnumzana Cassius Simana Mpofu uthe kungaba kuhle ukuthi amadiamonds eZimbabwe athengiswe okusegcekeni.

UBrenda Moyo oweStudio 7 uxhume ingcwethi ecubungula ezombusazwe uMnumzana Walter Nsununguli Mbongolwane othi ngokubona kwakhe eleZimbabwe lizanikwa imvumo yokuthengisa amadayimana alo.

‚Äč
XS
SM
MD
LG