amalinks wokungena

Breaking News

Umhlangano Wezamabhizimusi Uqala EHarare


Abanxusiweyo emhlanganweni wokuthuthukisa amabhizimusi, owe Africa Investor Pan-African Tourism and Infrastructure Investment Summit baqale ngoMvulo ukuya kulumhlangano e Harare. Lumhlangano uzavulwa okusemthethweni ngolweSibili ngumongameli Robert Mugabe njalo inhloko kahulumende, uMnu. Morgan Tsvangirai ukhangelelwe ukwethula amazwi akhe ngomumo wezamabhizimusi kusasa. Lumhlangano ungenwa ngosomabhizimusi kunye leziphathamandla zamazwe alitshumi lane.

Umhlangano lo uzangenwa ngabamela inhlanganiso ezifana le United Nations World Tourism Organisation, i World Bank, i International Monetary Fund le African Development Bank.

Kodwa ingcwethi kwezombusazwe, uMnu. Bekithemba Mhlanga utshele uChris Gande weStudio 7 ukuthi lumhlangano awusoze uphathise ngoba kusanda kwethulwa umthetho ongakhuthazi osomabhizimusi abavela kwamanye amazwe ukuthi basungule amabhizimusi elizweni.

‚Äč
XS
SM
MD
LG