Ikhomithi yedale lephalamende ebona ngokulotshwa kutsha kwesisekelo sombuso eye COPAC ithi umhlangano wayo esanda kuwugqiba edolobheni leNyanga lohlangothi lwayo lwe Management Committee uphumelele okwamagama njalo bazahlangana okwamalanga amabili ukulolonga okusaseleyo.
UMnu. Eric Matinenga umphathintambo obona ngokulotshwa kwesisekelo sombuso utshele iStudio 7 ukuthi umhlangano lo ubungowokuxazulula konke okuhluphayo kuloluhlelo hatshi ukukhuluma ngengxaki ezimbalwa kuphela.
UMnu. Believe Gaule, isiphathamandla se COPAC utshele uSithandekile Mhlanga weStudio 7 ukuthi ikhomithi yakhe isizaqhubela ugwalo lwe Draft Constitution kunkokheli kahulumende womanyano kungalungiswa okuseleyo.