WASHINGTON DC —
Amagqwetha amela umhleli wephephandaba le The Sunday Mail uMnu. Edmund Kudzayi, ngoLwesibili ehlulekile ukwethula amaphepha okucela umthethwandaba ukuba akhululwe ngokuhlawula isibambiso sebail.
UKudzayi ubotshwe ngoLwesine wamiswa phambi komthethwandaba ngoMgqibelo layizolo kodwa ngenxa yesisindo samacala awetheswayo utshelwe ukuba akhweze isicelo sokudinga ibail emthethwandaba waphezulu owe High Court.
Kodwa igqwetha lakhe, uMnu. Admire Rubaya utshele iStudio Seven ukuthi wehlulekile ukuthola wonke amaphepha afunakalayo osekuzakwenza ukuthi aphindele njalo ngoLwesithathu.
UKudzayi wetheswa amacala ambalwa abalisa ukufuna ukugenqula uhulumende, ukweyisa amandla kamongameli lokuthi nguye umuntukaziwa osebenzisa igama lokuthi nguBaba Jukwa ebulenjini be Internet.
Amacala wonke la alesigwebo sogodo nxa ethe wafunyanwa ukuthi ngempela wawadala. Inhlanganiso elwela ilungelo lentathelizindaba, I Committee to Protect Journalists yethule imbiko ethi uKudzayi kumele akhululwe njalo icala lakhe lesulwe.
UChris Gande weStudio Seven uxoxe lengcwethi kwezokwethulwa kwemibiko, uMnu. Nhlanhla Ngwenya othi ukubotshwa kuka Kudzayi kutshengisa ukuba abasebenzisa ubulembu be Internet kumele baqaphele ukuba okwenziwa ebulenjini akwenziwa nsitha ngoba kuzavela kwelinye ilanga.
UKudzayi ubotshwe ngoLwesine wamiswa phambi komthethwandaba ngoMgqibelo layizolo kodwa ngenxa yesisindo samacala awetheswayo utshelwe ukuba akhweze isicelo sokudinga ibail emthethwandaba waphezulu owe High Court.
Kodwa igqwetha lakhe, uMnu. Admire Rubaya utshele iStudio Seven ukuthi wehlulekile ukuthola wonke amaphepha afunakalayo osekuzakwenza ukuthi aphindele njalo ngoLwesithathu.
UKudzayi wetheswa amacala ambalwa abalisa ukufuna ukugenqula uhulumende, ukweyisa amandla kamongameli lokuthi nguye umuntukaziwa osebenzisa igama lokuthi nguBaba Jukwa ebulenjini be Internet.
Amacala wonke la alesigwebo sogodo nxa ethe wafunyanwa ukuthi ngempela wawadala. Inhlanganiso elwela ilungelo lentathelizindaba, I Committee to Protect Journalists yethule imbiko ethi uKudzayi kumele akhululwe njalo icala lakhe lesulwe.
UChris Gande weStudio Seven uxoxe lengcwethi kwezokwethulwa kwemibiko, uMnu. Nhlanhla Ngwenya othi ukubotshwa kuka Kudzayi kutshengisa ukuba abasebenzisa ubulembu be Internet kumele baqaphele ukuba okwenziwa ebulenjini akwenziwa nsitha ngoba kuzavela kwelinye ilanga.
