amalinks wokungena

Breaking News

Umkhokheli Wesonto yeAnglican, UArchbishop Rowan William Uhlangana loMongameli Mugabe


Ababili laba baxoxisane ngodaba lokudabuka phakathi kwesonto ye Anglican eZimbabwe

Umkhokheli weSonto ye Anglican emhlabeni jikelele uArchbishop Rowan William ubelomhlangano loMongameli Mugabe ngoMvulo, bekhulumisana ngengxabangxoza ekubandla leli. Ngemva komhlangano lo, uWilliam, obeloBishop Chad Gandiya okhokhela elinye icele lalisonto, utshele intathelizindaba ukuthi uMugabe uthe uzahlala phansi loBishop Chad Gandiya abonisane laye ukuthi ingxabangxoza esebandleni leli ingaqedwa njani.

Ebuzwa zintathezlindaba ukuthi baphathe na udaba lwezitabane oluyilo uKunonga athi luludubo kulisonto uWilliam uthe uchasisele uMugabe ukuthi kulamabishop amabili, omunye ose Ngilandi lomunye okweleMelika kodwa wathi umtshelile uMugabe ukuthi ubutabane kayisiyonsika yeSonto ye Anglican.

UChris Gande weStudio 7 uxoxe loMfundisi Useni Sibanda ukuze sizwe ukuthi abokholo bona bathini ngaloludaba.


Engakayi emhlanganweni loMongameli Mugabe, u Archbishop William wethekelele idolobho le Mutare kodwa wehlulekile ukungena esontweni yeMutare ngoba abasekeli baka Bishop Nolbert kunonga bekhiye izakhiwo zonke zesonto ye Anglican.

XS
SM
MD
LG