amalinks wokungena

Breaking News

UMnangagwa Uthi Kalasifiso Sokuba nguMongameli


Omunye wamalunga eZanu-PF abikwa elesifiso sokuthatha isikhundla sikaMongameli Mugabe, uMnu Emmerson Mnangagwa uthi kalaso isifiso sokuba nguMongameli webandla lakhe kumbe owelizwe.

UMnangagwa loNkosikazi Joice Mujuru babikwa bekhangele isihlalo sikaMugabe ngeso lokhozi njalo bekhuthaza abasekeli babo nsitha ukuthi nxa uMugabe engatshiya ubukhokheli beZanu PF, omunye wabo nguye omele athathe intambo.

Kodwa kungxoxo ayenze lephephandaba lakweleBhilithani eleSunday Telegraph ngeSonto, uMnangagwa uthe imbiko yokuthi ungomunye wabafuna isihlalo sikaMugabe ingamanga aluhlaza.

UMugabe yena uveze ngenyanga edluleyo ukuthi wesabela ukuthi engasuka esikhundleni, kungaba lokulwisana okukhulu kuZanu PF okungabangela ukudabuka phakathi kwalelibandla.

Umkhokheli weZanu PF edale lephalamende uMnu Joram Gumbo uthi udaba lokuthi ngubani omele athathe isikhundla sikaMugabe alubahluphi ngoba isisekelo sebandla sikubeka sobala ukuthi omunye wabasekeli bakhe nguye omele aphathe intambo andubana kuyiwe kuCongress.

Ingcwethi ecubungula ezombusazwe uMnu Dumisani Nkomo utshele uNtungamili Nkomo weStudio 7 ukuthi akala kuthandabuza ukuthi uMnangagwa usifuna ngabomvu isikhundla sikaMugabe.

XS
SM
MD
LG