amalinks wokungena

Breaking News

Uhulumende Uzaqala Ukuthatha Umthetho Wamasonto Ngomnyaka Ozayo


Isonto

Uhulumende uthi abamabandla ezokholo kabasoze bathathelwe umthelo we tax kumnikelo lokwetshumi kodwa umthetho uzathathwa emalini evela kulokhu abayabe bekuthengisa.

Umthelo lo uzaqala ukuthathwa ekuqaleni komnyaka ozayo.

Amasonto amanengi, ikakhulu akulezinsuku, athola imali ayo enengi emnikelweni hatshi okuthengiswayo.

Lokhu kuvela ekuguqulweni komthetho we income tax act owethulwe ngoLwesihlanu olwedluleyo nguMongameli Robert Mugabe.

Lumethetho uthi njalo inzuzo etholwa ngamasonto ingasetshenziswa ngabantu mathupha kumbe inkokheli yamasonto kayisoze ihlaselwe.

Esethula uluhlu lwendleko kahulumende yalumnyaka esesiwugqiba umphathintmabo wezemali, uMnu. Patrick Chinamasa wathi: "Sizethula imbiko yokuthatha umthelo emasontweni kodwa asisoze sithathe umnikelo."

Ukuhlaziya loludaba uChris Gande weStudio Seven uxoxe lengcwethi ecubungula ezomnotho, uMnu. Masimba Kuchera endawonye lomfundisi Useni Sibanda.

Kutsho uSibanda: "Okokuqala bekumele uhulumende engekethuli lumthetho aqale angene phansi ilizwe lonke akhulume labakhokheli bamabandla kube lesivumelwano sokuthi kuyahamba kanjani.

UKuchera yena lanxa evumelana lo Sibanda uthi kodwa inkokheli yamasonto enye isibonakala iphila impilo ehlukene labanengi ngoba bethola imali enengi kakhulu emasontweni.

"Kunengi sibili okungathekswa kodwa esingakwaziyo yikuthi imali yakhona le izaphathisa na aabanengi," kutsho uKuchera.

please wait

No media source currently available

0:00 0:04:30 0:00
Lapho esitholakala khona

XS
SM
MD
LG