Inhlanganiso ephathisa amazwe omhlaba ngemali, eye International Monetary Fund ithi umnotho weZimbabwe awusoze uthuthuke ngesilinganiso ebisikhangelele ekupheleni komnyaka odluleyo ese 6%.
Kugwalo lwayo elwethule ngolweSine oluhlaziya inotho yamazwe omhlaba, inhlanganiso le ithi umnotho welizwe usuzathuthuka nge 2.2% kuphela. Inhlanganiso ye IMF ithi umnotho weZimbabwe awusoze uthuthuke ngitsho lakancane ngomnyaka ozayo.
Umphathintambo wezemali uMnumzana Tendai Biti uthi ukungathuthuki komnotho kubangelwa yikungahlaliseki kwezombusazwe. Ababona ngokuqhutshwa kwezamabhizimusi elizweni bathi umthetho we Indeginisation and Economic Empowerment Act lawo usuxotsha abakwamanye amazwe abafisa ukuletha amabhizimisi abo elizweni.
Ingcwethi kwezenotho uMnumzana Walter Nsununguli Mbongolwane uthi ukungahlaliseki kuhulumende womanyano yikho okumqoka okuxotsha abamabhizimusi.
