Umsekeli wenhloko kahulumende, uMnu. Arthur Mutambara usegcizelele inyathelo lokuxotsha umeli we Libya eZimbabwe ngenxa yokutshengisela usekelo lwabahlamukela uhulumende kaMongameli Muammar Ghadafi. UMutambara ubephendula imbuzo edale lephalamende phezu kodaba lweLibya. UMnu. Taher Elmaghrai uphiwe amalanga amathathu ukuthi aphume aphele eZimbabwe ngoba yena lezinye izizalwane zakwele Libya betshengisele besamukela abahlamukela uGadhafi ngokutshisa iflag yalelolizwe.
UMutambara utshele idale ukuthi njengoba uhulumende weZimbabwe engakathathi nyathelo lokuthi uyanaka ikhomidi esithethe intambo zombuso kwele Libya kulandela ukulwisana okukhulu, iNational Transitional Council u Elmaghrai uzixotshile ngokusekela abekhomidi le. UMutambara uthe nxa uGhadafi engadinga ubuphepheli eZimbabwe kuzakhulunyiswana ngababumba uhulumende womanyano kungakathathwa nyathelo.
Umsekeli wesikhulumi secele leMDC, uNkosazana Thabitha Khumalo utshele iStudio 7 ukuthi ukuxotsha umeli wakwele Libya lokhu akusilo nyathelo elithakazelelwe ngamabandla wonke.