Umphathintambo wezemali uMnu Tendai Biti lomphathintambo obona ngenhlelo zokuthuthukiswa komnotho uMnu Tapuwa Mashakada bangapha eMelika ukuzokhulumisana leIMF ngodaba lokuthi yesule isikwelede seZimbabwe.
Ababili laba bakhangelelwe njalo ukukhulumisana leziphathamandla zikahulumende weMelika ngokuvuselelwa kobudlelwano phakathi kwamazwe womabili.
UBiti utshele lumsakazo ukuthi olunye udaba abazaluphatha leziphathamandla zeMelika ngolokuthi ilizwe lingatholiswa njani imali yeMelika ehlanzekileyo ngoba enengi yaleyo esebenza eZimbabwe okwamanje ingcolile okwamagama.
Ukuhlaziya udaba lolu sixhume ingcwethi kwezombusazwe uMnu Brilliant Mhlanga yena othi ngokuya kwesikhathi iIMF ilakho ukwesula isikwelede seZimbabwe.
